A Strösa ghè sic fontane
i è i fontane chi fa desmentegà l’arsüra
i ga pio o meno tote la stèsa fùrma
i è stace per tant tep sorgènt de la natura.
Sènsa chè l’acqua le
èl püdia mia èsga eta
le indaà i omegn a impienì i sidei
de acqua e col cadur è glia portà a cà…
le indaà i tosai a zogà
le indaà i animai a bif,
le indaà i dòne a laà i pagn,
lure i era chèle chi gùdia di piò la fontana
perchè tra ona laada e ona cantada
quac lacrime in mancaà mia,
lacrime chi pensaa a scècc lontà,
lacrime chi pensaa ai scècc dè sfamà.
Cambiem discors, senò èl me e a tocc dè locià.
I fontane, i è tote in di contrade:
öna a Cà Cap,
öna a Cavròs,
öna in dè Magn,
öna a Cà Cagnis,
öna a Cà Galècc.
I gà tote öna storia dièrsa
si poderès parlà
i gavrès tance laür dè conta sö…
Ma ü laür i porta in del sò cor
chèste fontane…
chèl dè it salvat la eta,
a tanta zet.
Enza Vassalli
